सडक विभागले वीरगन्जमा सडक विस्तार कार्य सुरु गरेको छ।
आइतबार बिहानैदेखि विभागले वीरगन्ज महानगरपालिका र स्थानीय प्रशासनको सहयोगमा वीरगन्जको मुख्य सडक क्षेत्रका संरचनामा डोजर चलाउन सुरु गरेको हो।
बिहानैदेखि एकैसाथ १३ वटा डोजर लगाएर शहरको मुख्य मार्ग चौडा बनाउने काम भइरहेको छ।
वीरगन्जको मुख्य सडकलाई दायाँबायाँ दुवैतर्फ २५–२५ मिटर फराकिलो बनाउने उद्देश्यले पावरहाउस, मुर्ली, घण्टाघर, माइस्थान, आदर्शनगर, मकालु होटल चोक, वीर्ता, छपकैया हुँदै भन्सार क्षेत्रसम्मका सडकका संरचना भत्काउन थालिएको हो।
जिल्ला प्रशासन कार्यालय पर्साले शनिबार साँझ विज्ञप्ति जारी गर्दै आइतबार बिहानदेखि सडक विस्तारको कार्य सुरु हुने जानकारी दिएको
थियोI
सडकको मापदण्ड क्षेत्रमा पर्ने पसल तथा संरचना खाली गर्न पनि स्थानीय प्रशासनले आग्रह गरेको थियो। प्रशासनको आग्रहपछि कतिपय स्थानीयले सरसामान सारेर घर खाली गरेका थिए।
सडक विस्तार कार्यमा अवरोध नहोस् भनेर वीरगन्जमा बिहानैदेखि बाक्लो संख्यामा सुरक्षाकर्मीसमेत परिचालन गरिएको छ।
About The Author
